Shteti është stabil, nuk ka rrezik nga ndonjë destabilizim dhe jemi të kujdesshëm drejt qëllimit të këtyre sulmeve hibride. Mbetet MPB-ja të kontaktojë me shërbimet partnere në rajon, deklaroi sot në brifingun e rregullt me gazetarë ministri i Punëve të Jashtme në RMV, Bujar Osmani.

Osmani, duke u përgjigjur në pyetje të gazetarëve, tha se duke pasur parasysh se edhe tek një anëtare tjetër e NATO-s, në Mal të Zi ka paraqitje për bomba, se kjo ndoshta nuk është ndonjë lojë e adoleshentëve, është kërkuar ndihmë nga NATO-ja.

Osmani sqaroi se NATO-ja jep mbështetje për diagnostifikimin e problemit, nuk ka mision i cili do të kërkonte forenzikë.

Thirrjet nga Gjermania drejt shtetasve të vetë të jenë të kujdesshëm në Maqedoni të Veriut për shkak të paraqitjeve për bomba, sipas tij, janë legjitime. Dje patëm paraqitje për bomba në një hotel, edhe ne do të veprojmë njejtë”, thotë ministri.