Republika e Maqedonisë ka një traditë disa vjeçare bashkëpunimi me agjencitë e OKB-së dhe Zyrën e hapur të UNOPS në Shkup, kjo është shenjë e mirë për zgjerimin e më tejshëm të këtij bashkëpunimi thekson zv. kryeministri për çështje evropiane, Bujar Osmani, në takimin e sotëm me nënsekretaren e OKB-së dhe drejtoreshën ekzekutive të UNOPS, Grete Farmeo dhe Ambasadorin e Mbretërisë së Norvegjisë, Arne Sannes Bjornsad, përcjell Telegrafi Maqedoni.

Në takim, siç njoftojnë nga zyra e Osmanit, u diskutua për bashkëpunimin dypalësh, mbështetja e projekteve të cilën e ka dhënë Mbretëria e Norvegjisë për Republikën e Maqedonisë, si dhe aspiratat euroatlantike të vendit tonë.

Osmani tha se mbështetja çka e ka dhënë Norvegjia për vendin tonë në pjesën më të madhe për projektet me rëndësi me qëllim të integrimit në BE dhe NATO jep kënaqësi.