OBRM-PDUKM: Zaevi kërkon arsye për t’i shtyrë zgjedhjet

11:24 | 26 Dhjetor 2019
A. B.

Partia opozitare maqedonase OBRM-PDUKM, përmes një kumtese për media thotë që kryeministri Zoran Zaev kërkon arsye për të shtyrë zgjedhjet e planifikuara për më 12 prill.

Nga OBRM-PDUKM thonë që për tre vjet LSDM dhe Zoran Zaevi kanë bërë plaçkitje t ëpaparë të shtetit dhe qytetarëve.

“I shitën interesat shtetërore dhe kombëtare, ndërsa qeverisja e tyre shoqërohet me skandale, zhvatje, afera, krim dhe korrupsion. Për shkak kësaj, të vetëdijshëm për humbjen, por edhe fundin e karrierës politike, Zaevi kërkon alibi me të cilën dëshiron t’i shtyjë zgjedhjet dhe do të ikë nga ballafaqimi me popullin”, thonë nga opozita maqedonase.

Ata shtojnë se Zaevi dhe LSDM do të përfundojnë në anën e errët të historisë./Telegrafi/