OBRM-PDUKM: Numrat e djeshëm janë për shkak të Komisionit për Sëmundje Infektive

09:47 | 22 Tetor 2020
Arbresh.info

Partia opozitare maqedonase OBRM-PDUKM e ka akuzuar sërish Qeverinë dhe Komisionin për Sëmundje Infektive për gjendjen me coronavirusin.

Nga kjo parti thonë se numri i djeshëm prej 641 të infektuarve të rinj është faj i Komisionit, që sipas tyre duhet të zëvendësohet me anëtarë të rinj.

“Qeveria dhe Komisioni për Sëmundjet Infektive nuk kanë besueshmëri dhe nuk mund të përballen me krizën. Çdo i katërti i testuar në Maqedoni është i sëmurë me COVID-19. Numri i djeshëm i 641 pacientëve të rinj është provë se asgjë që qeveria ka bërë nuk ka ndonjë efekt. Çdo ditë është një kulm i ri”, thonë nga ORRM-PDUKM.

Ata shtojnë se LSDM-ja nuk ka kapacitet të jetë në funksion të qytetarëve.