Numër rekord i testimeve për Covid-19 në Maqedoni, shërohen 37 pacientë

16:19 | 25 Prill 2020
Arbresh.info

Ministria e Shëndetësisë sot bëri të ditur se janë regjistruar edhe 37 pacientë të shëruar.

“Prej tyre 2 kanë qenë në spitale dhe 35 janë shëruar në kushte shtëpiake. Pacientët e shëruar janë regjistruar 11 në Shkup, 11 në Prilep, 4 në Koçani, 2 në Gostivar dhe Dibër dhe me nga 1 në Strugë, Ohër, Manastir, Krushevë dhe Tetovë”, shprehen nga Ministria e Shëndetësisë, njofton telegrafi maqedoni

Nga ministria shprehen se në Klinikën Infektive në Shkup ka ndërruar jetë një pacient 36 vjeçar dhe në evidencën e institutit të të vdekurve nga Covid-19 do përfshihet edhe një pacient nga Shkupi 25 vjeçar i cili ka humbur jetën më 23 prill.

Gjithashtu, nga ministria thonë se janë bërë 728 testime për Covid-19, që përbën edhe numër rekord për nga numri i testimeve për 24 orë.