Kaluan 30 ditë, ndërsa arsyet për aksidentit ku humbën jetën 15 persona ende nuk dihen.

Nga prokuroria publike thonë se ju duhet më shumë kohë për zbardhjen e rastit. Ata njoftojnë se rasti është procedurë paraprake dhe se po punohet në sigurimin e gjithë materialeve dhe dëshmive gojore për vërtetimin e gjendjes faktike.

Zëdhënësi i Qeverisë, Muhamed Hoxha, tha se organet kompetente vazhdojnë me hetimin dhe se së shpejti do të dalin me rezultate konkrete, përcjell Telegrafi Maqedoni.

“Institucionet kompetente vazhdojnë me hetimin për zbardhjen e rastit dhe shpresojmë së shpejti MPB dhe organet kompetente do të dalin me informacione më të detajuara në lidhje me hetimin si dhe për gjetjen e fajtorit apo personave që kanë ndikuar në këtë rast”, thotë Hoxha.

Përndryshe, më 13 shkurt, autobusi i përmbys në afërsi të fshatit Llaskarcë ku humbën jetën 15 persona, ndërsa dhjetëra të tjerë mbetën të lënduar./telegrafi