Ministri i Punëve të Jashtme të Maqedonisë së Veriut, Bujar Osmani sot do të hapë konsullatën e parë të nderit të Republikës së Maqedonisë së Veriut në rajonin e Edrenesë, Republika e Turqisë.

Në kuadër të vizitës, Osmani do të ketë takim edhe me valiun e Edrenesë, Huseyin Kurshat Kirbiyik, si dhe me studentët nga Maqedonia e Veriut që studiojnë në Universitetin e Trakës në këtë qytet.

Qyteti i Edirnes si qendër tregtare ka një industri në rritje të vazhdueshme dhe hapja e konsullatës së nderit në këtë qytet do të forcojë më tej lidhjet tregtare, kulturore dhe turistike ndërmjet Maqedonisë së Veriut dhe këtij rajoni të Turqisë, thuhet nga MPJ.

Konsulli i Nderit i Republikës së Maqedonisë së Veriut në Turqi me juridiksion në rrethet Edirne, Kërklareli dhe Tekirdag, me seli në Edirne, është Eser Xhevahir.