Lëvizja BESA në mënyrë eksprese ka demantuar lajmin se kinse i kanë dërguar letër zyrtare kryeministrit të Shqipërisë Edi Rama ku kanë kërkuar sqarim mbi atë se kush e ka hartuar platformën e shqiptarëve.

Zëdhënësi i Lëvizjes BESA, Orhan Murtezani për Zhurnal ka qenë decid ku ka theksuar se është spekulim i pastër dhe nuk është e vërtetë që ne i kemi dërguar letër Kryeministrit Rama.

“Kjo është një spekulim, Levizja BESA nuk i ka dërguar asnjë letër as Kryeministrit të Shqiperisë e as ministrit të jashtem”, është shprehur për Zhurnal zëdhënësi i Lëvizjes BESA, Orhan Murtezani.

Ndryshe sot u në disa media u publikua lajmi se Lëvizja BESA i ka dërguar letër kryeministrit të Shqiprisë, Edi Rama, dhe Ministrit të Jashtëm, Ditmir Bushatit, ku kërkohen sqarime lidhur me deklaratat e përfaqësuesve të BDI-së, të cilët thonë se deklarata e përbashkët e partive shqiptare është shkruar nga ato, e jo ashtu siç kanë thënë zyrtarët e shtetit shqiptar, se deklarata është iniciuar nga ata.