Mbi një milion qytetarë të regjistruar në Maqedoninë e Veriut

16:53 | 19 Shtator 2021
Arbresh.info

Enti Shtetëror i Statistikës në Maqedoninë e Veriut, tregon se deri ditën e djeshme në ora 20:00 janë regjistruar gjithsej 951 mijë e 151 qytetarë.

Nga diaspora janë vetëregjistruar 193 mijë e 370 qytetarë.

Ndërkaq, në të gjithë vendin, regjistruesit deri një ditë më parë kanë evidentuar mbi 290 mijë amvisëri dhe 402 mijë banesa.

Ndërsa sot deri në orën 15:00 , janë regjistruar 1.000.034 persona.

Enti shtetëror për statistikë njofton se regjistrimi zhvillohet sipas rendit dhe intensitetit të planifikuar.Regjistrimi në terren si dhe ai online i diasporës do të vazhdojë deri më 30 shtator.

Ndërsa, drejtori i Entit të Statistikës Apostoll Simovski ditë më parë njoftoi se është i kënaqur me dinamikën me të cilën zhvillohet ky proces. /arbresh.info/