Nëpër rrugët e Maqedonisë në aksidente rrugore për gjashtë muaj kanë humbur jetën 70 persona. Gjatë vitit 2018, sipas të dhënave të SPB Shkup, numri total i viktimave ka qenë 118.

Për Forumin për aktivizëm qytetar viti 2019 është viti më i kobshëm. Ata kërkojnë ndryshme të menjëhershme sistematike. Të dhënat statistikore tregojnë, dhe kjo me siguri mund të vërtetohet, se viti 2019 është viti më tragjik gjatë 20 viteve të fundit, përcjell Telegrafi Maqedoni.

“Nëse merrni shembull gjashtë muajt e para të vitit 2019 ka rritje prej 20% të viktimave në krahasim me vitin 2018, ndërsa në krahasim me vitin 2017 numri i viktimave është rritur për 25%”, thonë nga Forumi për aktivizëm qytetar.

Ata shtojnë ka vetëm angazhime deklarative dhe intensitet të zvogëluar të aktiviteteve dhe asnjë ndryshim sistematik.

“Institucionet duhet të jenë të koordinuara, kryesisht në drejtim të reformimin dhe forcimit të legjislacionit nga MPB-ja, investim në infrastrukturë dhe ndërtim të rrugëve moderne nga Ministria e Transportit dhe Lidhjeve”, thonë nga Forumi për aktivizëm qytetar.