Instituti për Shëndet Publik publikoi raportin javor për gjendjen me COVID-19, dhe për një javë nga 31.01 deri më 06.02 janë regjistruar 9.982 raste të reja me COVID-19 në 35 qytete që është ulje për 16.2% në krahasim me javën e kaluar.

Sipas raportit javor, gjatë kësaj periudhe janë testuar 33.421 materiale në laboratore që është për 13.2 për qind më pak nga java e kaluar. Pjesa më e madhe e rasteve të regjistruara janë në Shkup me 53%.

Sa i përket moshave, janë infektuar persona nga të gjitha grupmoshat, por më e prekura janë personat mbi 60 vjet me 24.6 për qind dhe mosha 30-39 vjet me 20.1%. Më pak ka në moshë 0-9 vjet me 3.1%.

Gjatë kësaj periudhë të shëruar janë regjistruar 11.122 persona dhe 147 persona kanë humbur jetën në 24 qytete, që është për 0.7% më pak se java e kaluar.

Deri tani janë vaksinuar 867.529 persona me një dozë të vaksinës, ndërsa me dy doza janë 845.121 persona dhe me tre doza 132.488 persona./Telegrafi/