Zyra e jashtme për punë kriminalistike në Berovë ka ngritur një padi penale kundër S.P.(30) nga Berova për shkak të ekzistimit të dyshimeve për kryerjen e veprës penale “sulm ndaj personit zyrtar gjatë kryerjes së punëve” dhe “ pengimit të personit zyrtar në kryerjen e punëve”, si dhe kundër T.P.(25) nga fshati Smojmirovo-Berovë për shkak të ekzistimit të dyshimeve për kryerjen e veprës penale “pengim i personit zyrtar në kryerjen e punëve zyrtare”.

Me 30.04.2018 rreth orës 01.30 në Berovë në sheshin e qytetit, i padituri, e ka prishur rendin publik me muzikë të zëshme dhe pastaj e ka kërcënuar me jetë zyrtarin policor, i cili ka ndërmarr aktivitete zyrtare, pas së cilës polici ka thirrur veturën intervenuese.

Gjatë tentimit për arrestimin e të paditurit, i njëjti me ndihmën e shokut të tij T.P. ka arritur që të largohet nga zyrtarët policor dhe me veturën e tij ka ikur nga vendi i ngjarjes.

Pastaj rreth orës 04.20, gjatë ndërmarrjes së masave, nga ana e zyrtarëve policor për ndalimin e veturës së të paditurit, i njëjti me shpejtësi të madhe ka tentuar që t`i shkel zyrtarët policor ku dy herë është paraqitur në stacionin policor në Berovë duke iu kërcënuar me jetë zyrtarëve policor./Almakos