LSDM: VMRO dhe BDI s’kanë ç’kërkojnë në Maqedoni pas 11 dhjetorit

14:53 | 31 Tetor 2016
M. A.

Deklarata e kryetarit të Bashkimit Demokratik për Integrim Ali Ahmeti, e konfirmon frikën që e ka kjo parti me partnerin e saj të koalicionit, VMRO – DPMNE, nga “Plani për bashkëjetesë në Maqedoni”, si ofertë për të gjithë qytetarët e Maqedonisë pa dallim të përkatësisë së tyre etnike, pasi që qëllimi ynë është që të ndërtojmë shoqëri pa ndarje, në aspektin etnik ose politik.

Kështu, sipas Portalbit, ka reaguar zëdhënësi i Lidhjes Socialdemorkate të Maqedonisë Petre Shilegov, pas deklaratës së djeshme të Ali Ametit se LSDM nuk ka të drejtë të pretendojë për votat e shqiptarëve në zgjedhjet e 11 dhjetorit.

“Pas asaj që e bënë Ahmeti dhe BDI në vitet e fundit, bashkë me partnerin e koalicionit, VMRO–DPMNE, është e qartë se as BDI, por as Ahmeti nuk kanë çfarë të kërkojnë në Maqedoni”, deklaroi Shilegov.