Gruevski në Strumicë: Do t’i jepet fund krizës dhe planit për skenare të errëta për shtetin

00:12 | 5 Dhjetor 2016
Trina Galanxhi

Me zgjedhjet më 11 dhjetor do të tregojmë se këtu jeton popull krenar dhe me dinjitet i cili me këtë gjeneratë do ta fitojë të gjithë atë që i bëhet Maqedonisë, porositi sonte në mitingun e koalicionit “Për një Maqedoni më të mirë” në Strumicë, kryetari i VMRODPMNEsë dhe bartës në njësinë e katërt zgjedhore Nikolla Gruevski.

Me 63 deputetë për koalicionin e kryesuar nga VMRODPMNE, potencoi Gruevski, do t’i jepet fund krizës dhe planit për skenare të errëta për shtetin. Ai theksoi se beson në vlerësimin, mençurinë, guximin dhe forcën e popullit, i cili do të kundërshtonte në planet, siç tha për ridefiniin e Maqedonisë.

“Qëllimi përfundimtar u dygjuhësisë është formimi i shtetit binacional gjegjësisht pa identitet por me dy më të mëdha. Në këtë mënyrë urdhërdhënësit e Zaevit dëshirojnë ta prishin çështjen për gjuhë zyrtare të shtetit që në fakt është problem kryesor në kontestin me Greqinë dhe bazë të identitetit tonë.

Ideja është që të formohet shtet i ri maqedonasoshqiptar i cili do të quhet më ndryshe dhe në të cilin do të fliten dy gjuhë, ndërsa në kolonën për gjuhë të OKBsë të qëndrojë diçka e re, e jo gjuha maqedonase”, tha Gruevski.

Më 11 dhjetor, theksoi Gruevski, do të zgjidhet mes opsionit i cili ka krijuar kriza dhe atij i cili ka qenë i përkushtuar në përparim të shtetit. Secili duhet të pyetet vetë cili më mirë do të përballet me sfidart ekonomike, kush ka kuadër më të mirë dhe program më të mirë, kush do të hapë vende të reja pune, kush do të jetë me dinjitet para shantazheve, kush do t’i mbrojë interesat shtetërore më mirë, nënvizoi Gruevski.

Në mitingun në Strumicë u prezantuan kandidatët për deputetë nga njësia e katërt zgjedhore, ndërsa fjalime patën edhe një pjesë e partnerëve të koalicionit.