Ekip i plotë i ekspertëve do të shkojnë në Maqedoni nga 17 korriku deri më 21 korrik, ka paralajmëruar komisioneri i BE, Johanes Hahn.

“Me të vërtetë po dërgoj ekspertët e lartë të sundimit të ligjit në Shkup për të ndjekur rekomandimet e tyre për vitin 2015 dhe për të këshilluar qeverinë e re për adresimin e çështjeve sistematike të sundimit të ligjit,” është shprehur Hahn në një intervistë për EWB.

Një mision i parë i zbulimit nga udhëheqësi i ekipit, Reinhard Priebe, tashmë është zhvilluar më 27 qershor, transmeton arbresh.info.

“Ne i vlerësojmë përpjekjet e Kryeministrit dhe qeverisë së tij për të kontaktuar me homologët e tyre në Greqi dhe Bullgari. Është e rëndësishme të gjesh një zgjidhje të dakorduar për çështjen e emrit dhe të gjesh një mënyrë se si të vazhdosh.”

Sipas rij, BE është e gatshme të ndihmojë procesin e OKB-së dhe të lehtësojë kontaktet nëse kërkohet.

“Tani qeveria e re, së bashku me opozitën, duhet të përqëndrohen në zbatimin e prioriteteve urgjente të reformës dhe të marrëveshjes Przino, për të rikthyer vendin në rrugën e saj euroatlantike.”/arbresh.info/