Nesër mbahet protestë për rastin e ”Almir Aliut”para Qeverisë së Maqedonisë, nga ora 13:00.

Shumë organizata, parti politike, persona me ndikim në Maqedoni por edhe sektori jo-qeveritar ka thënë se do të jenë në protestën që organizohet nesër kundër vendimit për të liruar vrasësin e Almir Aliut, djaloshit katër vjeçar nga Kumanova. Ky rast ka ndodhur në vitin 2016 ndërsa javën e kaluar gjykata e Kumanovës e liroi nga paraburgimi Boban Iliqin i cili në orët e mbrëmjes e shkeli voglushin, pas një zënke me babain e këtij të fundit, shkruan Telegrafi Maqedoni.

Tifo grupi tetovar ”Ballistët” ka thënë se do të jenë në protestë, duke protestuar për këtë rast, pasi siç thonë ata ” kemi mbrojtur dhe do vazhdojmë ti mbrojmë interesat dhe të drejtat e Shqiptarëve!!”

”Ne si tifogrup gjithmonë kemi mbrojtur dhe do vazhdojmë ti mbrojmë interesat dhe të drejtat e Shqiptarëve!!
Nesër të gjithë në protestë, të ngrejmë zërin për rastin e Almirit, të mbrojmë fëmijët tanë,ardhmërinë tonë!!

Drejtësia patjetër të shkojë në vend!!” thuhet në reagim.