Bytyqi: Shkurti do të jetë i mbuluar me paga

13:47 | 18 Mars 2021

Shkurti do të mbulohet me paga, ndërsa për pjesën tjetër përgjigjen duhet ta japin deputetët në Kuvend. Unë e di se si do të veproja nëse do të isha në vendin e tyre, tha sot zëvendëskryeministri për Çështje Ekonomike, Fatmir Bytyqi.

Ai pret që javën e ardhshme, kur është caktuar seanca parlamentare, ligjet për masat ekonomike do të miratohen dhe se qytetarët dhe biznesmenët do ta marrin mbështetjen.

“Mendoj se ky është një mësim i nxjerrë. Do të ketë kohë për politikë kur të jetojmë pak më mirë, pa presionin e një krize shëndetësore. Kjo është arsyeja pse unë mendoj se për një javë ose dhjetë ditë ligjet do të miratohen dhe ndihma do të arrijë te të gjithë ata që kanë nevojë për të, tha zëvendëskryeministri, duke iu përgjigjur pyetjeve të gazetarëve para fillimit të forumit ekonomik “Ekonomia në udhëkryq: Cili do të jetë motori i rritjes pas Kovid -19?

Sipas tij, duhet të punohet edhe më tej në zgjidhjet e reja ligjore, masat e reja dhe politikat e përbashkëta. Duke vepruar kështu, ne duhet të jemi të zgjuar në lidhje me tejkalimin e hendekut midis të pasurve dhe të varfërve, ndërsa politika e taksave nuk është gjithmonë e vetmja recetë.

Lidhur me kompanitë e orientuara drejt eksportit që, siç u tha, duhet të inkurajohen të jenë motori i rritjes në periudhën post KOVID, Bytyqi kujtoi se Qeveria tashmë ka miratuar dy masa me të cilat 108 lëndët e para ose janë zvogëluar ose janë hequr plotësisht detyrimet doganore.

“Vazhdojmë të punojmë në mënyrë të pavarur në miratimin e ligjeve të caktuara sepse Tarifa Doganore dhe harmonizimi mund të bëhet në dy mënyra – përmes masave autonome dhe sistematike, përmes ndryshimit të të gjithë Tarifës Doganore dhe ligjit që ne punojmë me të gjitha kompanitë”, tha Bytyqi.

Potenciali i kompanive të orientuara kah eksporti për kontributin për rimëkëmbjen ekonomike pas Kovid-19 në Maqedoninë e Veriut”

Në forum do të prezantohet publikimi “Potenciali i kompanive të orientuara kah eksporti për kontributin për rimëkëmbjen ekonomike pas Kovid-19 në Maqedoninë e Veriut”, i përpunuar nga “Finance Think” në kuadër të projektit “Realizimi i potencialit të kompanive të orientuara drejt eksportit për të kontribuar në rimëkëmbjen pas KOVID-19”, financiarisht i mbështetur nga Qeveria e Britanisë së Madhe dhe Ambasada britanike në Shkup.

Lajmet më të lexuara