Kryetarja e Lëvizjes Evropiane të Serbëve nga Kosova, Rada Trajkoviq, ka njoftuar se Beogradi zyrtar ka pranuar kushtet e presidentit francez Emmanuel Macron për të pranuar një vizitë në Serbi dhe se po përgatitet arrestimi i Milan Radoiçiqit.

“Lajmi i ri është se gjyqësori i Serbisë, prokuroria dhe autoritetet e Serbisë kanë kërkuar zyrtarisht materiale nga autoritetet e Kosovës për Banjskën dhe se do të përgatisin seriozisht arrestimin e Radoiçiqit. “Vuçiq e pranoi,” tha ajo në N1 transmeton Arbresh.info.

Sipas saj,  forca e serbëve dhe rezistenca e tyre është pakësuar me largimin e Radoiçiqit nga Kosova dhe njerëzit që ai mori me vete.

Përveç kësaj, Trajkoviq ka komentuar edhe paralajmërimet e Qeverisë së Kosovës për hapjen e Urës së Ibrit, duke thënë se “kjo nuk është e nevojshme sepse katër ura në veri të Kosovës tashmë janë funksionale”./Arbresh.info/