Sulme kibernetike ndaj faqeve të qeverisë serbe janë duke u bërë nga kolektivi Anonymous dhe grupe të tjera.

Përmes një njoftimi në Twitter, sulmet janë duke u bërë në ‘shkallë të plotë’ si pjesë e fushatës #OpSerbia.

Anonymous njofton më shumë se 40 uebfaqe serbe janë hequr nga interneti në 72 orët e fundit.

“JUST IN: Kolektivi #Anonymous dhe grupet e tjera të hakerëve kanë nisur sulme kibernetike ‘në shkallë të plotë’ në faqet e internetit të qeverisë serbe, si pjesë e fushatës #OpSerbia. Më shumë se 40 uebfaqe serbe janë hequr në 72 orët e fundit”, thuhet në njoftimin e Anonymous.

Kujtojmë se Anonymous rreth dy javë më parë, ka paralajmëruar presidentin e Serbisë, Aleksandar Vuçiq, në lidhje me zhvillimet në veri.

“Ne nuk do të qëndrojmë indiferent përballë këtij terrori. Reagimi ynë kolektiv do të jetë i prerë dhe i shpejtë”.

“Nëse nuk i ndaloni veprimet e rrezikshme në Kosovë, populli i Kosovës nuk është pa mbështetje”, thuhej në reagim./arbresh.info/

JUST IN: The #Anonymous collective and other hacker groups has been launching ‘full-scale’ cyberattacks on Serbian government websites, as part of #OpSerbia campaign. More than 40 Serbian websites have been taken down in the last 72 hours. pic.twitter.com/KSD4adBfCw

— Anonymous TV ?? (@YourAnonTV) January 10, 2023