Në Bullgarinë fqinje, Akademia e Shkencave po vë veton mbi negociatat me Maqedoninë.

Akademia e Shkencave të Bullgarisë informon se mbështet qëndrimin e Qeverisë bullgare për të mos pranuar kornizën e propozuar negociuese të Komisionit Evropian për Maqedoninë.

“Akademia e Shkencave të Bullgarisë mbetet besnike ndaj traditave të saj për tu kujdesur për tokat dhe natyrën bullgare, gjuhës së letërsisë dhe historisë Bullgare dhe monitoron nga afër zhvillimin e marrëdhënieve midis Shkupit dhe Sofjes”, thonë nga Akademia bullgare.

Akademia është kategorike se do të vazhdojë të mbrojë me mjete shkencore të vërtetën historike për të kaluarën e rajonit historiko-gjeografik të Maqedonisë, përfshirë përkatësinë etnike dhe kulturore bullgare të shumicës së banorëve të saj./Telegrafi/