Ad Banner
Ad Banner
Ad Banner
Ad Banner

Greqia shpall tri ditë zie kombëtare

10:17 | 2 Mars 2023
A Z

Kryeministri i Greqisë, Kyriakos Mitsotakis, ka shpallur tre ditë zie pas ngjarjes tragjike në Tempi ku dy trena u përplasën duke shkaktuar vdekjen e 26 personave dhe plagosjen e mbi 80 të tjerëve.

Flamujt do të ulën në gjysmë shtizë në institucionet greke dhe do të pezullohen të gjitha festimet publike nga dita e sotme deri më 3 Mars.

Kreu i qeverisë greke pritet të shkojë vetë në vendin ku ndodhi aksidenti hekurudhor, i cili është më i rëndi në historinë e vendit. Menjëherë pas ngjarjes ka patur reagime të shumta.

Presidentja e KE-së, Ursula Von der Leyen shkroi në rrjetet sociale se e gjithë Europa po vajton me Greqinë.

Edhe Ministria e Jashtme e Turqisë nëpërmjet një deklarate për shtyp shprehu ngushëllimet për viktimat në aksidentin tragjik dhe uroi shërim të shpejtë për të plagosurit.

Në lidhje me këtë ngjarje kanë reaguar edhe Presidenti Bajram Begaj dhe Kryeministri Edi Rama./tvklan.al

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm