Dik Marti me raportin e tij të prodhuar në kuzhinat serbo-ruse, jo vetëm që sherbeu si bazë për akuzimin e themelusëve dhe udhëheqësve të UÇK-së, por tentojë të denigrojë shtetësinë dhe pavarësinë e Kosovës,të shpallur me 17,shkurt, 2008, duke kriminalizuar shtetin e ri të posaformuar. Kjo erdhi pas konfirmimit të GJND-së, për legalitetin dhe legjitimitetin e Deklaratës së Pavarësisë së Kosovës.

Tani, kur edhe zyrtarishtë u konfirmua, se ky raport ka qenë i falsifikuar ( asgjë nga ky raport nuk ka në aktakuzat e ngritura)dhe sponzorët e tij kanë tentuar ta vrasin Dik Martin për të fajsuar Kosovën për ketë, institucionet e Kosovës, Presidenti, Qeveria dhe Kuvendi do të duhej të tregojnë përgjegjësi institucionale, duke reaguar kunder këtij mashtrimi të madh të Dik Martit dhe sponzoruësve të tij. Poashtu institucionet e Kosovës, duhet të kërkojnë Gjykatës Speciale, (të cilen e kanë themeluar vetë) gjykim të drejtë, të pavarur dhe të shpejtë sipas standardeve të konventave ndërkombëtare për të drejtat e njeriut, legjislacionit të Kosovës dhe të drejtës ndërkombëtare penale. Kjo nuk paraqet ndërhyrje apo presion në punen e kësaj gjykate si gjykatë e pavarur, por kërkesë legjitime të shprehur në një rezolutë, që ajo të ndërpresë abuzimet procedurale dhe matriale, dhe të sigurojë një gjykim të drejtë.

Miratimi i Rezolutës në Kuvendin e Shqipërisë, paralajmërimi i Kryeministrit Rama , se në shtator në Këshillin e Evropës do të propozojë rezolutë të re kundër raportit të Dik Martit janë shembujë të mirë që duhet ndjekur. /arbresh.info/