Nxehtësia ekstreme mund të ketë një ndikim më të madh në plakjen biologjike sesa pirja e duhanit dhe pirja e alkoolit, sugjeron hulumtimi.

Ndërsa ndryshimi i klimës nxit rritjen e temperaturave në mbarë botën, një studim i ri paralajmëron se nxehtësia ekstreme mund të përshpejtojë procesin e plakjes tek të moshuarit.

Njerëzit e moshuar të ekspozuar ndaj periudhave të gjata të nxehtësisë ekstreme shfaqën shenja të plakjes më të madhe biologjike, sipas studimit të botuar këtë javë në revistën ‘Science Advances’.

Studiuesit në Universitetin e Kalifornisë Jugore ekzaminuan të dhënat nga më shumë se 3600 njerëz mbi moshën 56 vjeç nga e gjithë Shtetet e Bashkuara, duke krahasuar shënuesit e tyre biologjikë me modelet e temperaturës në mjediset e tyre lokale.

Ata që jetonin në zona me ditë të shpeshta mbi 32 gradë Celsius – kishin përshpejtuar moshën biologjike, ndonjëherë me më shumë se një vit.

Çfarë është plakja biologjike dhe pse është e rëndësishme?

Ndryshe nga mosha kronologjike, e cila numëron vitet që nga lindja, mosha biologjike pasqyron konsumimin e organizmit në nivel qelizor dhe molekular . Një moshë biologjike më e madhe se mosha kronologjike lidhet me një rrezik më të lartë të sëmundjes dhe vdekjes së parakohshme, transmeton Klankosova.tv