Një vajzë shtatëzënë 17-vjeçare po lufton për jetën e saj dhe jetën e fëmijës së saj pasi asaj i është thënë që ka vetëm edhe tre muaj jetë, për shkak të një tumori të pashërueshëm në tru.

Dana Scatton u diagnostikua me glioma pikine të brendshme (ose DIPG) javën e kaluar , ndërsa pritet që të sjellë në jetë vajzën e saj gjatë muajit shkurt, shkruan “Daily Mail”, transmeton portali arbresh.info

Kjo sëmundje prek rreth 300 fëmijë çdo vit dhe zakonisht gjendet tek fëmijët nën 10 vjeç, duke e bërë rastin e Dana-së jashtëzakonisht të rrallë.

Sëmundja jep një shansë të vogël të mbijetesës dhe rreth 90 përqind e pacientëve vdesin brena 18 muajve të diagnozës.

Deri me tani askush nuk është shëruar nga kjo sëmundje.

Për “Daily Mail” Dana tha se ajo dhe familja e saj janë duke u konsutuar me mjekët për të përcaktuar trajtimin më të mirë në mënyrë që të zgjasë jetën e saj.

Adoleshentja nga Pensilvania tha se mbi të gjitha pret një “mrekulli” gjatë Krishtlindjes./arbresh.info/