Të brendshmet janë një pjesë shumë intime e veshjes, sepse qëndrojnë gjatë gjithë kohës në kontakt me trupin e një personi, përkatësisht  me organet gjenitale.

Mirëpo sa shpesh duhet t’i ndërroni ato? Gjinekologët paralajmërojnë për rreziqet që mund t’iu kanosen nëse nuk i ndërroni ato shumë shpesh. Disa raste, ku tregojnë se mbathjet nuk duhet t’i vishni më janë:

Kur mbathjet mbajnë aromë– Nëse mbathjet që keni blerë, kanë material të papërshtatshëm për lëkurën, atëherë ato do të mbajnë erë edhe pas t’i pastroni.

Kur edhe pas pastrimit mbesin njolla të verdha– Nëse materiali i mbathjeve është sintetik, atëherë do të mbesin njolla të verdha edhe pas larjes.

Kur shihni se u ka dalë ngjyra– Nëse e keni vërejtur se mbathjeve iu ka dalë ngjyra pas një kohë të shkurtë, atëherë ato nuk duhet veshur më, sepse me siguri kanë një material të dobët dhe të dëmshëm.

Kur janë tepër të ngushta– Mbathjet e ngushta nuk preferohen të vishën, për arsye se mund t’iu irritojnë lëkurën. Këto irritime mund të përfundojnë me infeksione.

Kur ka kaluar kohë e gjatë qe i keni blerë– Nëse kanë kaluar një vit e gjysmë që i keni blerë, atëherë është koha t’i hidhni.