Heqja e qimeve me laser: Gjithçka çfarë duhet të dini

16:15 | 22 Tetor 2019

Nëse nuk jeni e lumtur me heqjen e qimeve me dyllë apo me mënyra tjera, atëherë opsioni i heqjes së tyre me laser mund të jetë i duhuri.

Heqja e qimeve me laser është një prej procedurave më të zakonshme kozmetike që kryhen në SHBA.

Procedura përfshin rrezatim tejet të madh të dritës në gjëndrat e qimeve. Pigmenti në gjëndra e absorbon dritën. Ajo e shkatërron qimen.

Përfitimet e heqjes së qimeve me laser

Laserët janë të mirë për heqjen e qimeve të padëshiruara nga fytyra, këmbët, mjekra, shpina, duart, sqetullat dhe nga zonat tjera të trupit.

Disa prej përfitimeve të heqjes së qimeve me laser përfshijnë:

Precizitetin: Laserët mund t’i shënjestrojnë qimet e zeza e të trasha duke e lënë lëkurën përreth të padëmtuar.

Shpejtësinë: Çdo ‘puls’ i laserit merr më pak se një sekondë dhe mund t’i trajtojë shumë qime njëherazi. Zonat e vogla, siç është pjesa e sipërme e buzëve, mund të trajtohen brenda një minute. Ndërkaq zonat e mëdha, siç janë këmbët apo shpina, mund të trajtohen brenda një ore.

Parashikueshmëria: Shumica e pacientëve kanë rënie permanente të qimeve pas mesatarisht tri-shtatë sesioneve.

Çfarë duhet të prisni gjatë kësaj procedure?

Pak para procedurës, qimet tuaja do të prehen në vetëm pak milimetra mbi sipërfaqen e lëkurës. Zakonisht kjo ndodh 20-30 minuta para procedurës me laser. Pajisja e laserit përshtatet duke u bazuar në ngjyrën, trashësinë dhe lokacionin e qimeve, por edhe në bazë të ngjyrës së lëkurës.

Në fund të procedurës, juve mund t’ju jepen kuba akulli, krem antipezmatues apo locione, ose ujë të ftohtë për ta lehtësuar ndonjë parehati.

Rikuperimi dhe rreziqet

Pas një apo dy dite, zona e trajtuar e lëkurës do të duket sikurse e rrezitur nga dielli.

Përgjatë muajit, qimet e trajtuara do të bien. /Telegrafi/

Shpërndaje në rrjete sociale

Lajmet më të lexuara