Sipas Social Media Today, një person shpenzon mesatarisht gati dy orë në ditë duke lundruar në internet apo nëpër hapësirat virtuale, e thënë ndryshe gjatë gjithë jetës sonë ne kalojmë 5 vite e 4 muaj në facebook, instagram, snapchat, ëhatsapp e aplikacione të tjera.

Me shumë siguri fotot janë ato që marrin kohën më të madhe të femrave, ndaj dhe Living do të ndajë me ju gabimet më të shpeshta që “shkatërrojnë” një foto. Për t’u siguruar që në çdo foto ju do të dilni bukur shmangni gabimet e mëposhtme që kanë të bëjnë me grimin.

      1. Mos e teproni me pudrën.

Ngjyra artificiale e kremit pudër do i largojë fytyrës suaj shkëlqimin natyral. Kini kujdes me kremrat matt, pasi priren të thajnë lëkurën tuaj.

2. Vetullat

Lyerja e vetullave me laps mund të duket e thjeshtë, por nuk rezulton e tillë. Ju duhet të gjnei nuancën e duhur dhe duhet të dini pikat e aplikimit. Nëse lyeni të gjithë vetullën me laps, e sigurtë që kjo do të prishë harmoninë e fytyrës.

3. Qerpikët

Nëse me vetullat, ju thamë mos të e tepronit, me qerpikët vazhdoni… Sa më të gjatë e të dendur aq më bukur do të dukeni në foto. Mos harroni asnjëherë të ktheni e të lyeni qerpikët.