Sipas një studimi të kryer nga kompanitë e sigurimeve shëndetësore dhe shkencëtarët nga Universiteti Mjekësor i Hamburg-Eppendorf  në Gjermani, fëmijët dhe adoleshentët janë shtresa më e rrezikuar gjatë izolimit të vendit për shkak të pandemisë.

Studimi ka gjetur se fëmijët dhe adoleshentët në Gjermani kanë kaluar rreth 75% të kohës së tyre duke luajtur lojëra dixhitale gjatë karantinës, transmeton portal arbresh.info

Rezultatet e hulumtimit treguan se gjatë periudhës së karantinës, fëmijët dhe adoleshentët e moshës 10 deri 17 vjeç kaluan shumë më shumë kohë duke luajtur lojëra dixhitale të paktën një herë në javë në tabletët, konsolat, telefonat e mençur ose kompjuterët sesa në rrethanat e jetës normale.

Në rrethana normale, koha që kalonin ata në lojëra dixhitale ishte 79 minuta, ndërsa koha është rritur pas izolimit të parë për shkak të pandemisë së koronavirusit.

Sipas shkencëtarëve ky  është një problem i madh, pasi ka të bëjë me shëndetin mendor të fëmijëve.

Në studim kanë marrë pjesë rreth prindërit dhe fëmijët e rreth 1,200 familjeve gjermane./arbresh.info/