Instituti Hidrometeorologjik i Kosovës, parasheh se vendi ynë gjatë këtyre ditëve do të ndikohet nga masat me presion të lartë atmosferik.

Sipas IHMK-së në këto kushte do të mbajë mot kryesisht me diell dhe vranësira të lehta, të cilat do t’i takojnë shtresës së lartë të troposferës.

“Temperaturat minimale do të lëvizin ndërmjet 2-4 gradë Celsius, kurse maksimalet e ditës do të lëvizin ndërmjet 16-17 gradë Celsius. Shtypja atmosferike do të mbetët normale, me tendencë të rritjes së vlerave për 2-3 milibar. Lagështia relative e ajrit në mëngjes do të jetë nga 88-94%, ndërsa gjatë ditës do të zbresë nga 52-43%. Dukshmëria horizontale në mëngjes do të jetë nën 1km, në disa vende do të ketë mjegull të dendur, kurse gjatë orëve të mesditës, dukshmëria do të rritet mbi 10km”, thuhet në raportin e IHMK-së.

Po ashtu, IHMK, parasheh se të hënën do të fryjë erë nga veriu kurse nga dita e martë nga jugu dhe juglindja me shpejtësi 1-4m/s.