Të mërkurën në shënimin e tetë vjetorit të pavarësisë së Kosovës, shkronjat simbol të pavarësisë që ndodhen tek Pallati i Rinis në Prishtinë, do të kenë pamje të re. Ato po ngjyrosen me të bardhë.

Ngjyra edhe kësaj radhe simbolizon situatën nëpër të cilën po kalon Kosova, kështu e ka deklaruar krijuesi i monumentit, deputeti i VV-së, Fisnik Ismaili.

Qytetarët të cilët kanë parakaluar, ose kanë ardhur enkas për ta vizituar monumentin, patën mundësi që të ndihmojnë në realizimin e ngjyrosjes.

Kështu po duket në pasditen e sotme “NewBorn”.

NewBorn, i vendosur në qendër të Prishtinës në ditën e shpalljes së pavarësisë së Kosovës, më 17 shkurt 2008, edhe këtë vit do të pres nënshkruesit e saj të rinj. Qytetarët e Kosovës, dhe jo vetëm, kanë mundësi të shkruajnë në të çka të duan.