Zëvendësministri në detyrë i Mjedisit, Jeton Raka ka reaguar lidhur me vrasjen e policit Muhamed Lika mbrëmjen e djeshme në Kaçanik.

Me anë të një postimi në Facebook, ai ka theksuar kontributin e tij të jashtëzakonshëm, si ish-luftëtar i UÇK-së dhe zyrtar policor, shkruan Arbresh.info.

“Kaçaniku humbi një zyrtar policor, një ish-luftëtar të UÇK-së, që la pas një kontribut të jashtëzakonshëm për vendin. Ngushëllimet më të sinqerta familjes, miqve, kolegëve dhe gjithë qytetarëve.”, ka shkruar Raka në Facebook.

Ndryshe, Kosova sonte u trondit nga një vrasje e rëndë që ndodhi në Kaçanik.

Rreshteri i Policisë së Kosovës, Muhamed Lika u qëllua për vdekje në hyrje të ndërtesës.

Për vrasjen kanë reaguar familjarët e rreshterit, duke thënë se ai u vra para banesës së tij në mënyrë tinzare.

Motivet lidhur me vrasjen nuk dihen ende./Arbresh.info/

LEXO EDHE:

“Muhameti u vra para banesës së tij, në mënyrë të pabesë”, reagojnë familjarët e policit

U qëllua me armë zjarri para ndërtesës së tij në Kaçanik, vdes rreshteri policor Muhamet Lika