Pas më shumë se tre muaj ndërprerje të fluturimeve të rregullta në Aeroportin e Prishtinës ‘Adem Jashari’, sot kanë rifilluar qarkullimin aeroplanë të shumtë duke realizuar fluturime nga më të ndryshmet.

Fluturimi i parë sot në rihapje u bë nga kompania ‘AirMediterranean’ nga Baseli në ora 00:50 pas mesnatës.

Në Aeroportin ‘Adem Jashari’ sot qëndroi edhe ministri i Shëndetësisë, Armend Zemaj i cili u përkujdes që nga afër të shikojë se sa po respektohen masat e vendosura për këtë aeroport si dhe udhëtarët të cilët do të kryejnë shërbime përmes këtij aeroporti.

Në një video të publikuar në profilin e tij Zemaj shihet teksa përshëndetet me udhëtarët, stafin e bashkëpunëtorët e tij madje duke mos hezituar që t’u dhurojë edhe maska e disa prej fëmijëve edhe t’ua vendosë ato.

E nga Aeroporti i Prishtinës sot u theksua se nuk ka restriksione në pranimin e udhëtarëve, pavarësisht nacionalitetit të tyre.

Zemaj u uroi mirëseardhje gjithë mërgatës, duke përcjellur mesazhin për distancë dhe vendosje të maskave.

https://www.facebook.com/zemajarmend/videos/575430669838123/?v=575430669838123