Ministri i Shëndetësisë, Armend Zemaj është takuar sot me Bordin Këshillëdhënës për të bërë vlerësimin e situatës epidemiologjike.

Gjatë këtij takimi, Zemaj tha se janë dhënë vlerësime dhe propozime se si të reagohet në ditët në vijim për parandalimin e përhapjes së pandemisë në vend, raporton arbresh.info.

“Rekomandimet e dala nga takimet e Bordit, për Ministrin e Shëndetësisë kanë qenë udhërrëfyes për vendime. Gjatë takimi të sotëm, diskutuam për situatën epidemiologjike, u dhanë vlerësime dhe propozime se si të reagohet në ditët në vijim, për të menaxhuar dhe parandaluar përhapjen e virusit”, shkruan Zemaj në Facebook.

Postimi i plotë:

Me Bordin Këshillëdhënës, nga themelimi i tij, kemi bërë vlerësime të situatës epidemiologjike dhe kemi nxjerr përvoja se si të ecim tutje me menaxhimin e situatës.

Rekomandimet e dala nga takimet e Bordit, për Ministrin e Shëndetësisë kanë qenë udhërrëfyes për vendime.

Gjatë takimi të sotëm, diskutuam për situatën epidemiologjike, u dhanë vlerësime dhe propozime se si të reagohet në ditët në vijim, për të menaxhuar dhe parandaluar përhapjen e virusit.
Bashkë ia dalim!