Kryeministri i Kosovës Albin Kurti, do të takohet të enjten me 18 gusht me presidentin e Serbisë Aleksandër Vuçiq, në Bruksel.

Ky takim i nivelit të lartë do të ndihmohet nga Përfaqësuesi i Lartë Josep Borrell, i mbështetur nga Përfaqësuesi Special i BE-së Miroslav Lajçak.

Faqja zyrtarë e Bashkimit Evropian bënë të ditur se takimi do të fillojë në orën 10:30 dhe do të fokusohet në rrugën përpara në dialog dhe arritjen e një marrëveshjeje gjithëpërfshirëse të normalizimit.

Në takim, gjithashtu do të trajtohen edhe çështjet aktuale dhe do të synojë zbutjen e tensionit aktual në terren.

Përfaqësuesja e Lartë do të zhvillojë gjithashtu takime të veçanta me secilin lider.

Në fund të takimit do të ketë një deklaratë për mediat nga Përfaqësuesja e Lartë.

Deklarata për shtyp nga Përfaqësuesi i Lartë Borrell do të transmetohet drejtpërdrejt në EbS dhe do të publikohet në faqen e internetit të EEAS.

Kujtojmë se sot Kryeministri Kurti me zëvendëskryeministrin Bislimi kanë takuar përfaqësuesin e Posaçëm të Bashkimit Evropian në Kosovë dhe ambasadorët e shteteve të QUINT-it ku në fokus të bisedës ishte dialogu./arbresh.info/

LEXO EDHE

Kurti takoi shefin e Zyrës së BE-së në Kosovë dhe ambasadorët e vendeve të Quint-it, u bisedua për dialogun me Serbinë