Telekomi i Kosovës me anë të një njoftimi për media kishte treguar se nga mesnata e 28 nëntorit të gjithë numrat e Z-Mobile do të kalojnë në Vala.

Lidhur me këtë kalim, Z-Mobile sqaron se nga sot pushon dhënien e shërbime për klientët.

“Jemi të obliguar të ju informojmë se nga sot, më 28.11.2019, Z-Mobile pushon së dhëni shërbime për klientët. Na vjen keq për çfarëdo bezdie që mund të ju shkaktohet nga gjendja e krijuar”, thuhet në njoftimin e kompanisë.

Njoftimi i plotë i Z-Mobile

Të nderuar klientë,

Autoriteti Rregullativ i Komunikimeve Elektronike dhe Postare (ARKEP) ka vendosur që numeracionin e alokuar deri më tash te Z-Mobile t’ia kalojë në shfrytëzim Telekomit të Kosovës.

Kjo ka ndodhur në mesnatë, me të filluar të datës 28.11.2019, kur edhe ka pushuar dhënia e shërbimeve nga Telekomi i Kosovës për nevoja të Z Mobile.

Me keqardhje, ju njoftojmë se me këtë vendim ne nuk jemi pajtuar dhe kjo situatë e krijuar është jashtë vullnetit tonë si kompani.

Kështu që jemi të obliguar të ju informojmë se nga sot, më 28.11.2019, Z-Mobile pushon së dhëni shërbime për klientët.

Na vjen keq për çfarëdo bezdie që mund të ju shkaktohet nga gjendja e krijuar.

Ju falënderojmë për besimin!

Z Mobile

https://www.facebook.com/ZMobilefolmeze/posts/2714059401965508?__xts__%5B0%5D=68.ARDPOhf0zzBZxTnZI3rfA_2vfZFvtnvmrN5YG8GqTw9sG_CdB6F2AbEJ6RKRnyGgKSVPru512o9X2o9LJVcM_wd1bOdlvb8KZjrVupoKGVD-WsNHPBGAzFZ0ZSU1_T9KACt3r0hWO3Ibvw18OHmHLvkzm311oSG0HQ3ijhtla6436gxnYsXfWRMUivVBsRz51j_CSFre35C9goSdzJ7kpMWJ_DJwzza6SSHgE_LoRRMlcHZCImkxhr7rwZ9_rUfF8QVxg6dPwV7Z_TELHHV6v5t9wWcRaX0BkQ8qkCFEKrE56QqKuFgxjlujB2UL2ej6EjPLC6MzxFfSfxIC-DlcjQ&__tn__=-R

Autoriteti Rregullativ i Komunikimeve Elektronike dhe Postare ditë më parë kishte njoftuar se numeracioni i cili është aktualisht në dispozicion nga Dardafone.net [Z-Mobile], pas kalimit të periudhës tranzitore, t’i kaloj për përdorim Telekomit të Kosovës.