Ymeri: Sigurimet Shëndetësore duhet të funksionalizohen sa më shpejt (VIDEO)

09:47 | 8 Qershor 2017
Arbresh.info

Kandidatë të Vetëvendosjes për deputetë me në krye liderin e saj Visar Ymeri kanë vizituar sot Klinikën e Onkologjisë në QKUK.

Ymeri u njoftu nga afër me vështirësitë me të cilat përballet kjo Klinikë, shkruan arbresh.info.

Ai tha se është e rëndësishme që të funksionalizohen sigurimet shëndetësore sa më shpejt.

“Këtij institucioni i duhet një përkrahje e veçantë institucionale. Në sistemin e shëndetësisë është e rëndësishme që të funksionalizohen sigurimet shëndetësore publike në mënyrë që qytetarët të kenë shërbime të nevojshme shëndetësore dhe sektori publik i shëndetësisë të ketë burim shtesë të financave për investime të nevojshme”, u shpreh Ymeri.

Ndërkaq, Ekrem Hyseni onkolog tha se kjo Klinikë përballet me mungesë të buxhetit dhe po ashtu të një regjsitri elektornik që do t’i zgjidhte problemet e statistikave./Arbresh.info.

http://facebook.com/arbresh.info/videos/1441389089259512/