Lëvizja Vetëvendosje në një konferencë për media ka diskutuat sot për dëmet ekonomike që i ka shkaktuar marrëveshja e 25 gusht të nënshkruar në Bruksel nga kryeministri Mustafa.

Kryetari i kësaj partie Visar Ymeri ka thënë se dëmet kryesore ekonomike që Serbia ia ka sakatuar Kosovës janë dëmet rreth 20miliard euro në sektorin publik e privat, si dhe largimin nga puna e një numri të madh punëtorësh, ku sipas tij për këto dëme nuk është diskutuar kurrë në bisedimet me Serbinë, transmeton arbresh.info.

“Gjatë tërë këtij procesi u diskutua çështja e pronësisë së Serbisë për mbi pasurinë e Kosovës dhe pjesëmarrjen e Serbisë si pjesë  e kësaj pasurie”, tha Ymeri.

Ymeri ka thënë se me krijimin e Zajednicës po krijohet një etnitet territorial që ka nën pronësi resurset kryesore të Kosovës .

“Që nga Liqeni i Ujmanit në veri që nga pjesa më e rëndësishme e Trepçës në komunën e Zveqanit e deri të resursi turistik që e ka Kosova në Brezovicë, pastaj Burimet e Klokotit  po ashtu edhe dy marrëveshjet e fundit për Telekomin dhe Energjinë”, ka thënë Ymeri.

Ndërsa Besnik Bislimi ka folur edhe për demarkacionin me Malin e Zi, ku ka thënë se pjesë e ekipit të komisionit për demarkacionin kanë qenë jurist dhe sociolog e asnjë gjeograf.

Bislimi tha se Isa Mustafa është i pa interesuar që ta marrë seriozisht këtë punë.

“Gjeodetët e Kosovës vazhdimisht kanë dërguar prova të reja se Kosova po humb territor, por komisioni në asnjë variant nuk ka shpreh interesim me i marr parasysh” ka thënë ai./arbresh.info