Vuçiqi ironizon: Kush do të fitojë në Medvegjën me shtatë për qind shqiptarë?

00:32 | 11 Shtator 2015
Gita

Kryeministri serb Aleksadar Vuçiq nuk është kërcënuar sikur Daçiq kundër shqiptarëve, por ka folur me cinizëm duke shtruar pyetjen se të dielën në Medvegjë nuk dihet kush do të fitojë: Rama, Thaçi apo partitë pritke serbe, pasi atje, sipas tij, shumica e popullatë është serbe.

Duke folur për këtë ai ka shtuar se në Medvegjë jetojnë vetëm shtatë për qind shqiptarë, por ata “po vizatojnë në letër”, ka thënë ai duke aluduar në paralajmërimin për formimin e Asociacionit të Komunave shqiptare në Luginë.

“Atje (në Medvegjë) të dielën mbahen zgjedhjet; atje shumica e popullatës është serbe. Do të shohim nëse do të fitojë Rama, Thaçi, DS, SNS, SPS ose të tjerët në koalicion”, ka thënë Vuçiq .

Kryeministri serb ka folur edhe për Asociacion e Komunave serbe në Kosovë.