Në ditën kur përfaqësuesi Special i SHBA-së për Ballkanin Perëndimor, Gabriel Escobar do të qëndrojë për vizitë në Kosovë, presidenti serb, Aleksandar Vuçiq, është takuar me ambasadorin e Shteteve të Bashkuara të Amerikës në Serbi, Christopher Hill, ku kanë diskutuar për situatën pas raundit të fundit të bisedimeve në Bruksel me kryeministrin e Kosovës, Albin Kurti.

“Një bisedë konkrete dhe kuptimplotë me ambasadorin Hill rreth situatës pas raundit të fundit të bisedimeve në Bruksel. Unë përsërita qëndrimin konsistent të Serbisë, e cila vazhdon të bëjë çdo përpjekje për të gjetur një zgjidhje kompromisi për të ruajtur paqen dhe stabilitetin”, tha Vuçiq, bëhet e ditur në llogarinë në Instagram “E ardhmja e Serbisë”.

Takimi ndodhi disa ditë pas bisedimeve në mes të Kosovës dhe Serbisë në Bruksel, gjatë të cilave nuk pati ndonjë rezultat./arbresh.info/