Rreth orës 19:30, ka ndodhur një vrasje në fshatin Bibaj në Ferizaj, në parkingun e një salle së dasmave.

Lidhur me këtë ka reaguar Prokuroria Themelore në Ferizaj, ku sipas informatave të para dyshohet se është ndaluar një zyrtar policor në kohëzgjatje prej 48 orësh, për shkak të dyshimit të veprës penale “Vrasje e rëndë”.

“I dyshuari në këtë rast sipas informatave të para dyshohet se është zyrtar policor dhe i njëjti me vendim të Prokurorit të Shtetit, është ndaluar në kohëzgjatje prej 48-orësh për shkak të dyshimit të veprës penale “Vrasja e rëndë” sipas Kodit Penal të Republikës së Kosovës

Hetuesit Rajonal të Policisë së Kosovës në Ferizaj në koordinim me Kryeprokurorin e Prokurorië Themelore në Ferizaj z.Shukri Jashari dhe prokurorin kujdestar kanë dalë në vendin e ngjarjes si dhe nga ekipi mjekësor është konstatuar vdekja e viktimës”, thuhet në njoftimin për media.

“Për informata tjera rreth rastit, Prokuroria Themelore në Ferizaj do të iu njoftoj me kohë”, vijon njoftimi./Arbresh.info/