Vrasja e 37-vjeçarit në Gjilan, policia kontrollon disa lagje dhe dy shtëpi

10:16 | 8 Nëntor 2024
E.K

Një 37 vjeçar është vrarë me armë zjarri të enjten në rrugën “Mërgimtarët e Gjilanit”, në Gjilan.

Policia, në raportin e saj 24-orësh, ka njoftuar se në vendngjarje është gjetur një gëzhojë.

Me vendim të prokurorit, janë realizuar kontrollime në disa lagje të qytetit, përfshirë dy shtëpi, në kuadër të hetimeve për zbardhjen e ngjarjes.

‘Gjilan / 07.11.2024 – 13:50. Lidhur me rastin, vdekjen e viktimës e ka konstatuar ekipi mjekësor në vendin e ngjarjes. Po ashtu në vendin e ngjarjes është gjetur një gëzhojë, ku me vendim të prokurorit janë kontrolluar disa lagje të qytetit përfshirë edhe dy shtëpi. Në lidhje me rastin në vendin e ngjarjes kanë dalë njësitë relevante policore, prokurori dhe zyrtarët nga IML”, thuhet në raport./Arbresh.info