Voton kandidati i PDK-së, Naim Fetahu: Llapjanët të votojnë për ndryshimin e vërtetë, jo për figura të konsumuara

10:50 | 29 Nëntor 2020
Gita

Kandidati i Partisë Demokratike të Kosovës (PDK) për kryetar të Podujevës, Naim Fetahu, ka votuar sot në orën 10:00, në shkollën fillore “Esat Mekuli”, në fshatin Dobratin.

Në mungesë të bashkëshortes, e cila i ka ndërruar jetë vite më parë nga një sëmundje e rëndëzgj, ai ka votuar së bashku me djalin e tij të madh, Flamurin.

Pas hedhjes së votës së tij, Fetahu ka thënë̈ se këto janë̈ zgjedhjet më të rëndësishme për komunën e Podujevës dhe ka ftuar të gjithë̈ llapjanët që të marrin pjesë në votim.

“Zgjedhjet lokale janë̈ më të rëndësishme se ato nacionale. Këto zgjedhje, na prekin direkt ne që jetojmë në këtë komunë. Janë zgjedhje për mirëqenien tonë, për punësimin e qytetarëve tanë, për përmirësimin e kushteve për mësimdhënësit tanë̈ e mbështetjen e sipërmarrësve. Janë zgjedhje të cilat vendosin për të rinjtë, gratë, të moshuarit e kategoritë e luftës dhe të gjithë së bashku”

“Unë jam i bindur që asnjëra nga këto kategori nuk janë të kënaqura me këto 20 vjet se si është sjellë pushteti ndaj tyre. Prandaj, unë ftoj të gjitha këto kategori, të gjithë qytetarët llapjanë, që sot të dalin në mënyrë̈ sa më masive në zgjedhje dhe të bëjnë ndryshimin e vërtetë i cili do të përmirësoj rrënjësisht jetën e tyre”, ka thënë Naim Fetahu./arbresh.info/