Kryetarja e Kuvendit të Kosovës, Vjosa Osmani, iu është drejtuar me anë të letrave Gjykatës së Apelit dhe Këshillit Gjyqësor të Kosovës lidhur me rastin e deputetit të minoriteteve, Etem Arifit.

Etem Arifi dje është bërë e ditur se e ka humbur mandatin e deputetit në momentin kur është dënuar me vendim të plotfuqishëm nga Gjykata e Apelit.

Për këtë çështje, kryeparlamentaja Vjosa Osmani iu është drejtuar sot me anë të letrave, Gjykatës së Apelit dhe KGJK’së për të kërkuar sqarime lidhur me rastin.

“Kryetarja e Kuvendit, dr.Vjosa Osmani i është drejtuar sot Këshillit Gjyqësor të Kosovës dhe Gjykatës së Apelit për të kërkuar më shumë informata për rastin e z.Etem Arifi. Janë kërkuar Aktgjykimi i Gjykatës së Apelit dhe dokumente të tjera relevante për këtë rast”, mëson arbresh.info.

Pas vendimit të Gjykatës për dënimin e tij, deputeti Etem Arifi kishte vazhduar të marrë pjesë në seanca, derisa kishte votuar edhe për rrëzimin e Qeverisë Kurti.

Sipas Kushtetutës së Kosovës, Ligjit për të Drejtat dhe Përgjegjësitë e Deputetit si dhe Rregullores së Kuvendit pas dënimit, deputeti e kishte humbur mandatin.

Deputeti Arifi është dënuar me 1 vit e 3 muaj burgim nga Gjykata e Apelit për mashtrim me subvencione./arbresh.info/