Vjedhje e rëndë në Banjskë, hajnat marrin teknologji, motosharra dhe 80 litra raki

10:41 | 21 Shtator 2025
E.H

Një rast vjedhje e rëndë ka ndodhur në Banjskë të Zveçanit, raporton Policia e Kosovës.

Sipas policisë, një dëshmitar ka raportuar në polici se ka vërejtur hapur derën e shtëpisë së viktimës, shkruan Arbresh.info.

Sipas viktimës, persona të panjohur kanë vjedhur disa gjëra nga teknika e bardhë, dy motosharra njëra me rrymë dhe tjetra me benzinë, 80 litra raki si dhe dy testera të vogël.

“Banjskë, Zveqan 15-20.09.2025 – 15:00-12:36. Raportohet se një dëshmitar mashkull kosovar ka vërejtur se është hapur dera e shtëpisë së viktimës femër kosovare. Sipas viktimës persona të pa njohur kanë hyrë në shtëpinë e saj dhe kanë vjedhur: disa gjëra nga teknika e bardhë, dy motosharra njëra me rrymë dhe tjetra me benzinë, 80 litra raki si dhe dy testera të vogël. Rasti nën hetime”, thuhet në raportin 24 orësh të Policisë së Kosovës./Arbresh.info