Ministri i Shëndetësisë, Arben Vitia ka pritur në takim, kryetarin e Podujevës, Shpejtim Bulliqi.

Në këtë takim është diskutuar lidhur me avancimin e shërbimeve shëndetësore, duke përfshirë edhe fillimin e shërbimeve specialistike në Komunën e Podujevës, shrkuan Arbresh.info.

Ministri Vitia tha se në bashkëpunim me SHSKUK-snë do të sigurojnë stafin e nevojshëm mjekësor që të funksionalizohen shërbimet në kuadër të mundësive ligjore.

“Ai u shpreh se qytetarët e Podujevës do të kenë edhe shërbimet sekondare dhe do të kërkojë nga Bordi i SHSKUK-së të trajtohet kërkesa për fillimin e shërbimeve sekondare në nivelin specialistik dhe të vizitave specialistike në këtë komunë.”, thuhet në njoftimin e Ministrisë.

Ndërkaq, kryetari Bulliqi e falënderoi Ministrin Vitia për gatishmërinë, ndërsa u diskutua për mundësitë e bashkëpunimit në të ardhmen në dobi të shëndetit të qytetarëve./Arbresh.info