Një veturë në autostradën “Ibrahim Rugova”, ka goditur një tufë derrash të egër.

Sipas Policisë së Kosovës, rasti ka ndodhur në Duhel. Zëdhënësi Baki Kelani, tha për arbresh.info, vozitësi i veturës ka marrë lëndime trupore, por në gjendje stabile.

“Nga informacionet që kemi nga terreni, ju njoftojmë se rreth orës 19:40 në autostradën ,,Ibrahim Rugova” km-39 në Duhel një veturë me targa vendore ka goditur një tufë derrash të egër. Njësia e hetimeve dhe patrullat policore kanë dalë në vendngjarje dhe kanë siguruar lëvizjen e automjeteve në autostradë”, tha Kelani.

Në vendin e ngjarjes sipas tij përveç njësive përkatës policore kanë dal edhe shoqata e gjuetarëve të cilët i kanë tërhequr derrat e egër.

“Në vendngjarje kanë dal edhe njësitë relavante për mirëmbajtje të rrugës. Në lidhje me rastin në vendngjarje kanë ardhur edhe shoqata e gjuetarëve të cilët i kanë tërhequr derrat e egër. Vozitësi i veturës ka marrë lëndime trupore si dhe sipas informacioneve qe kemi deri tash gjendja e tij është stabile. Rreth orës 21:30 rruga është hapur plotësisht për qarkullim”, ka thënë Kelani./arbresh.info/