Një person në Kaçanik ka pësuar lëndime nga arma e zjarrit, raporton Policia e Kosovës.

Sipas Policisë, viktima derisa ishte duke e pastruar armën e zjarrit, e ka shkrepur gabimisht dhe e ka goditur gabim, shkruan Arbresh.info.

Viktima është dërguar në QKUK dhe është jashtë rrezikut për jetë, ndërsa është konfiskuar një pistoletë dhe tre fishek e një gëzhojë.

“Kaçanik, 27.12.2023-02:00. I dyshuari mashkull kosovar ka pësuar lëndime nga arma e zjarrit, pasi që i njëjti dyshohet nga pakujdesia derisa ishte duke pastruar pistoletën, i ka shkrepur dhe e ka goditur në këmbë. Viktima pasi ka marrë tretman mjekësor në QE-Ferizaj, është dërguar në QKUK dhe sipas mjekëve është jashtë rrezikut për jetë. Njësitet policore kanë konfiskuar pistoletën cal-7.62 mm e cila dyshohet se është përdorur, dhe tre fishekë e një gëzhojë. Lidhur me rastin është njoftuar prokurori”, thuhet në raportin 24 orësh të Policisë së Kosovës./Arbresh.info