Kryetari i i PDK-së Kadri Veseli ka vizituar presidentin e Kosovës, Hashim Thaçi, i cili sot pasdite i është nënshtruar një intervenimi kirurgjik endourologjik në Klinikën e Urologjisë në Shërbimin Spitalor Kliniko-Universitar të Kosovës.

Veseli ka thënë se Presidenti është mirë me shëndet, ndërsa i ka uruar rikuperim sa më të shpejtë.

Ai poashtu ka falënderuar edhe stafin shëndetësor të Klinikës së Urologjisë në QKUK për profesionalizmin dhe kujdesin e treguar ndaj Presidentit Thaçi, shkruan arbresh.info.

Postimi i tij i plotë:

Presidenti i Kosovës është mirë me shëndet. Gjatë vizitës që i bëra sot pasdite, i urova mikut tim të çmuar rikuperim sa më të shpejtë. Falënderova edhe stafin shëndetësor të Klinikës së Urologjisë në QKUK për profesionalizmin dhe kujdesin e treguar ndaj Presidentit Thaçi, i cili do t’i kthehet shpejt familjes dhe punës në kryerjen e detyrave shtetërore.