Kryetari i Kuvendit të Kosovës, Kadri Veseli, ka shprehur ngushëllime për familjen Mramori që sot humbi dy fëmijë.

Veseli përmes një reagimi ka thënë se është urgjente që institucionet e ligjit të thonë fjalën e tyre dhe të marrin vendimet e duhura e të shpejta.

Ky është reagimi i plotë i Veselit:

Telegram ngushëllimi i Kryetarit të Kuvendit të Kosovës, Kadri Veseli per familjen Mramori.

Në emër të Kuvendit të Republikës së Kosovës, dhe në emrin tim personal, i shpreh ngushëllime familjes Mramori për humbjen tragjike të jetës së dy fëmijëve të saj Florentës dhe Florentit.

Kjo është një tragjedi e rëndë që prekë zemrat, jo vetëm të familjes, por të secilit prej nesh, secilit qytetar të Kosovës, që aspiron një vend dhe ambient të sigurtë për fëmijët dhe familjen e tij.

Përveç dhimbjes, është urgjente që institucionet e ligjit të thonë fjalën e tyre dhe të marrin vendimet e duhura e të shpejta për t’i nxjerrë para përgjegjësisë ligjore të gjithë ata që lejojnë dhe ata që krijojnë në ambientet tona sociale faktorë të tillë rreziku për jetën si ky që u mori jetën fëmijëve të familjes Mramori.