Kryetar i Kuvendit të Republikës së Kosovës, Kadri Veseli, ka pritu në takim  familjarët dhe drejtuesit e Shoqatës së personave të pagjetur, me të cilët bashkëbiseduan për hapat e mëtejshëm për këtë çështje.

Veseli nëpërmjet një postimi në profilin e tij në facebook ka treguar hapat që do të ndërmerren rreth kësaj çështje:

“-Të fuqizohen mekanizmat që merren me fatin e personave të pagjetur
-Gjetjen e një lokacioni të përshtatshëm që të ruhen artefaktet deri sa nuk ndërtohet Muzeu memorial.
-Të gjendet një lokacion i përshtatshëm për Memorialin kushtuar të pagjeturve”, ka shkruar Veseli.

Me këtë rast, familjarët e personave të pagjetur kërkojnë që të intensifikohen veprimet e organeve gjegjëse për zbardhjen e fatit të të pagjeturve dhe verifikohen vendet që janë të ditura nga dokumentet e regjimit serb se ka varreza masive.

Të pagjeturit mbesin plagë e madhe e popullit tonë, andaj çdo angazhim në këtë drejtim është edhe obligim ligjor por edhe moral e human.